ព្រះសីហនុ៖ ប្រធានគណៈកម្មការរៀបចំការបោះឆ្នោតខេត្តព្រះសីហនុ លោក តេង វណ្ណឌី បានប្រាប់ឲ្យដឹងថា ក្នុងខេត្តព្រះសីហនុ គិតត្រឹមម៉ោង៩ព្រឹក ថ្ងៃទី២៣ ខែកក្កដានេះ មានពលរដ្ឋទៅបោះឆ្នោតចំនួន ៤៨ ១១៣នាក់។
មណ្ឌលការិយាល័យបោះឆ្នោតទូទាំងខេត្តព្រះសីហនុមានចំនួន ៣២៦ការិយាល័យ និងមានប្រជាពលរដ្ឋមានបញ្ជីឈ្មោះបោះឆ្នោតសរុបចំនួន ១៤៩ ៨០៧នាក់។
ចំពោះសន្តិសុខសណ្ដាប់ធ្នាប់របៀបរៀបរយនៃការបោះឆ្នោតនៅគ្រប់មណ្ឌលទូទាំងក្រុងស្រុកនៃខេត្តព្រះសីហនុប្រព្រឹត្តទៅដោយរលូនមិនមានបាតុភាពតវ៉ាអំពើហិង្សានៅក្នុងមណ្ឌលបោះឆ្នោតនោះកើតឡើងឡើយ។ ទោះបីក្នុងខេត្តព្រះសីហនុមានភ្លៀងធ្លាក់បន្តិចក្តី ប៉ុន្តែនៅតែមានប្រជាពលរដ្ឋទៅចូលរួមបោះឆ្នោតជាបន្តបន្ទាប់៕